لێکۆڵینەوەی کرانستن
ئامانجی لێکۆڵینەوەی کرانستن چییە؟
لێکۆڵینەوەی کرانستن بۆ بەدواداچوونی ئەو رووداوانە پێکهێنراوە کە لە شەوی ٢٤ی مانگی ١١ی ساڵی ٢٠٢١ روویاندا کە تێیدا لانیکەم ٢٧ کەس لە بەلەمێکی بچووکدا لە کەناڵی ئینگلیز گیانیان لەدەستدا.
سەربەخۆیی لە حکومەت
ئەمە لێکۆڵینەوەیەکی سەربەخۆیی، نا-پەرلەمانیە کە وا دادەڕێژرێت رێگە خۆشبکات بۆ لیکۆڵینەوەیەکی ورد لەبارەی رەوشی ئەو مردنانەوە چونکە لێکۆڵینەوەی ئاسایی پزیشکی دادی بەردەست نەبووە. ئەمە (لێکۆڵینەوەکە) بەشێوەیەکی سەربەخۆ لەلایەن ‘سێر رۆس کرانستن’ سەرپەرشتی دەکرێت.
ئەوەی کە دەگوترێت سەربەخۆیە مانای ئەوەیە کە لێکۆڵینەوەکە بەشێک نییە لە حکومەت و، لەلایەن دامەزراوەیەکی حکومەتەوە بەڕێوەنابرێت.
پەیوەندیمان پێوەبکە
ئایا تۆ رزگاربوو یان ئەندامی خێزانی یەکێک لە قوربانیەکانی رووداوەکەی ٢٤/١١/٢٠٢١؟ ئەگەر وایە، زۆرمان پێخۆشە قسەت لەگەڵ بکەین. ئەتوانی پەیوەندیمان پێوەبکەیت بە بەکارهێنانی ‘فۆرمی پەیوەندی’ (لینکی فۆرمی پەیوەندی) ، یان بە یەکێک لەم رێگایانەی خوارەوە:
Email: info@cranston.independent-inquiry.uk
Mail: FREEPOST The Cranston Inquiry
ئایا دەکرێ بە ئینگلیزی پەیوەندیتان پێوەبکەم؟
ئەگەر پێتخۆشە بە زمانێک پەیوەندی بکەیت کە ئینگلیزی نییە، ئەوا ئاگادارمان بکەوە و ئێمە بە هاوکاری بەشی وەرگێڕانمان پەیوەندیت لەگەڵ رێکدەخەین.
دەمەوێ بەشداری لەم لێکۆڵینەوەیەدا بکەم
ئەگەر هەر ئێستا پارێزەرت هەیە کە نوێنەرایەتیت دەکات، ئەوا قسەی لەگەڵ بکە دەربارەی ئەوەی ببیتە بەشدارێکی سەرەکی، یان داواکارییەکەت بە ئیمەیڵ بنێرە بۆ info@cranston.independent-inquiry.uk
لە کوێ دەتوانم زانیاری زیاترم دەستبکەوێت؟
بۆ دەستکەوتنی زیاتری زیاتر، دەتوانی سەردانی ماڵپەڕەکەمان بکەیت. لەنێو ئەو شتانەی کە لەوێ دەیبینی بەرواری دانیشتنەکان هەیە ، زانیاری ماڵپەڕەکەمان ، وە هەواڵی لێکۆڵینەوەکەش هەیە.
رێکخراوە بەکەڵکەکان
بەداخەوە، ئێمە ناتوانین هاوکاربین یان زانیاری بدەین لەبارەی کێشەکانی پەنابەری لەبەرئەوەی ئەوە شتێکە لە دەرەوەی بواری کارکردنی ئەم لێکۆڵینەوەیەیە. ئەگەر پێویستت بە هاوکاری بوو لەبارەی دۆخی پەنابەریت یان نیگەرانی لەبارەی دۆخی تەندروستیت، ئەوا تکایە دوودڵ مەبە لە پەیوەندیکردن بە یەکێک لەم رێکخراوانەی خوارەوە:
Red Cross رێد کرۆس
دەتوانن هاوکاری بەپەلە لەبارەی تەندروستی پێشکەش بە کۆچبەر و پەنابەران دەکەن
Migrant Help – مایگرانت هێڵپ
0808 8010 503 هێڵی پەنابەران
پێشکەشکردنی رێنمایی و هاوکاری بە پەنابەران.
Samaritans – ساماریتانس
116 123 یان بە خۆڕایی پەیوەندی بکە
هێڵێکی خۆڕایی گوێگرتنە بۆ ئەوانەی پێویستیان بە هاوکارییە.
لێکۆڵینەوەی کرانستۆن: مەرجەکانی کارکردن
مەودا و ئامانج
- لێکۆڵینەوەکە بەدواداچوون بۆ ڕووداوەکانی ٢٤ی تشرینی دووەمی ساڵی ٢٠٢١ دەکات و ڕەچاوی ڕووداوەکە دەکات و ڕاپۆرتی لەسەر دەدات. ئەو ڕووداوەی کە لانیکەم ٢٧ کەس لە کاتی هەوڵی بەزاندنی کەناڵەکەدا بە بەلەمی بچووک گیانیان لەدەستدا.
- سەرۆک دەبێت بەدواداچوون بۆ ئەم ڕووداوانە ئەنجام بدات بۆ ئەوەی:
- ا. دڵنیا ببنەوە لەوەی مردووەکان کێن و کەی و لە کوێ و لە چی بارودۆخێکدا مردنیان بەسەر هاتووە.
- ب. لەبەر چاو گرتنی ئەوەی کە چ وانەیەکی زیاتر لە ڕووداوەکانی ٢٤ تشرینی دووەمی ٢٠٢١ فێر دەبین ئەگەر گونجاو بوو پێشنیار بکرێت بۆ کەمکردنەوە مەترسیەکانی دووبارە بوونەوەی ڕووداوێکی هاوشێوە.
- ڕێکار و بەڕێوەبردنی لێکۆڵینەوەکە لەلایەن سەرۆکەوە ڕێنمایی دەکرێت.
- لە ئەنجامدانی ئەم لێکۆڵینەوەیەدا، سەرۆک ئەو لێکۆڵینەوەیە لەبەرچاو دەگرێت کە پێشتر لەلایەن لقی لێکۆڵینەوەی ڕووداوە دەریاییەکان (MAIB) ئەنجام دراوە بۆ ڕووداوەکە.
کاتی دیاریکراو
- سەرۆک بە زووترین کات کە بکرێت ڕاپۆرت دەداتە وەزیری دەرەوە بۆ گواستنەوە ، بە لەبەرچاوگرتنی هەر ڕێوشوێنێکی یاسایی بەردەوام یان داهاتوو. وەزیری دەرەوە بۆ گواستنەوە بەرپرسیار دەبێت لە بڵاوکردنەوەی ڕاپۆرتەکە.